I+D+I
Boibel aposta pola inversión en investigación e cre na innovación, ambas como pezas clave para o desenvolvemento do tecido productivo, social e económico do sector forestal e do medio rural galegos.
É por isto que desde os seus inicios participou e continúa formando parte de diversos proxectos de investigación levados a cabo pola propia entidade e por outras, e en colaboración con Centros de Investigación e as Universidades Galegas, entre as que podemos nomear:
ConectaSOUTO
Proxecto de I+D ConectaSOUTO
Convocatoria Conecta peme de fomento da cooperación de proxectos de
investigación en Galicia cofinanciado polo Polo Fondo Europeo de
Desenvolvemento Rexional (Feder) 2013.
Orzamento Total: 366.050,07 euros
Subvención: 60 %
Agrupación de Pemes ConectaSOUTO
SOUTONOVO
- Cooperación para o desenvolvemento dun novo proceso integrado de talladía do Castiñeiro, en colaboración coa USC, CTC e UdC (2008 – 2010).
- "Obtención de materiales de base de castaño resistentes a Phytophthora cinnamomi". Producción a gran escala de materiales forestales de reproducción de castaño de categoría cualificado, en colaboración con TRAGSA (2006 – 2007).
- "Estudio Técnico de Resultados de Arraigo e Crecemento Inicial con repoboacións de Pseudotsuga menziesii e Pinus radiata". Este estudio nace como consecuencia dun convenio establecido coa Universidade de Santiago de Compostela, a través da unidade docente de Silvicultura e Repoboacións, pertencente á titulación de Enxeñería Técnica en Explotacións Forestais da Escola Politécnica Superior de Lugo.
- "Manexo de restos de corta e adición de cinzas de cortiza arbórea para o aproveitamento sostible de plantacións forestais". Outro dos estudios que se levou a cabo coa Universidade de Santiago de Compostela, participando o Departamento de Edafoloxía, Química Agrícola e Produción Vexetal da Escola Politécnica Superior de Lugo. Durante a súa elaboración, Boibel Forestal, aportou unha das parcelas de seguimento, repoboada con Pseudotsuga menziesii e cunha idade de 6 anos.
O Sistema de Xestión da I+D+i de BOIBEL recibiu do Ente Nacional de Acreditación (ENAC) o certificado de conformidade coa norma UNE 166002:2006.
A implantación do sistema e a súa certificación foron cofinanciadas polo Instituto Galego de Promoción Económica (IGAPE) no cadro do Programa Innoempresa do Ministerio de Industria, Enerxía e Turismo.
